~~* Shab-e-barat Ki Haqeqat *~~

[DiL_SaY]

<div align='center'>
Bismillah Al-Rahman Al-Raheem

Asslamo Alaikum Wa Rahamatullah Wa Barakatuhu..!!
Shab-e-Barat .. Aur Uski Haqeeqat...!!

Is Month Main 15th Shab Ko Shab-E-Barat Ke Naam Se Yaad Kiya Jata Hai ...!! Ulma-e-Soo Is Raat Ke Liye Shab-e-Qadr Jaisi Fazilate Bayan Karte Hain... Yeh Aqeeda Rakha Jata Hai Ke Is Raat Poore Saal Main Hone Wale Waqkhyat Ka Faisla Kiya Jata Hai ... Is Raat Infiradi Wa Ijtimayee Ibadato Ka Ahtmam Kiya Jata Hai ... Atish baziya Ki Jati Hain... Masjido Main Chiragha Kiya Jata Hai ... Bewa Aurte Ye Samajhti Hain Ke Unke Shoharo Ki Roohe Is Raat Aati Hain Isliye Behtreen Qism Ke Pakwan Tayyar Karke Unka INtezar Karti hain ..!!

Shab-E-Barat Ki Fazilat main Quran Ki Yeh Ayat Paish Ki jati Hai ..... " Hamne Is (Quran) Ko Mubarak Raat Main nazil Farmaya , Hum Logo Ko Darane Wale Hain " ( Al-Dukhhan Ayat No.3)
In Ka Yeh Qoul Sarasar Ghalat Wa Bebuniyad Hai Jiski Daleel Yeh Hai ke Allah RabbulAlaameen Ne Is Ayat Main Jis Raat Ko Mubarak Raat Kaha Hai Woh Ramadan Ki Shab-E-Qadr Hai Na Ke Shab-E-Barat... Kyonki Yeh Baat Har Musalman Janta Hai Ke Quran Kareem Ka nazool Maha Ramadan main Hua Hai Na Ke Shahban Ke Mahine Main Irshad-e-Rabbani Hai " Ramadan To Woh mahina Hai Jisme Quran Majeed Nazil Kiya Gaya " ( Al-Baqra .. Ayat no. 185) Doosri Jagah RabbulAalaameen Irshad Farmata Hai
" Humne Is (Quran Kareem) Ko Shab-E-Qadr Main Nazil Farmaya Tumhe KYa Malum ke Shab-E-Qadr Kya Hai, Shab-E-Qadr Main ek Raat Ki Ibadat Hazar Mahino Ki Ibadat Se Behtar Hai " ( Al-Qadr..Ayat no.1-3)

In Ayato Se malum Hua Ke Surah Dukkhan Ki Ayat no. 3 Main Jis Mubarak Raat Ki Taraf Ishara Kiya Gaya Hai Usse Murad Shab-E-Qadr Hai Na Ke Shab-E-Barat..!!

Shahban Ki 15wi Raat Ki Fazilat Main Jo Bhi Hadeese Bayan Ki Jati Hain Sab Ki Sab Mozoo Ya Zaeef Hain ... Isi Tarhan Is Raat Ki Ibadato ke silsile Main Jo Bhi hadees bayan Ki Jati Hain Woh Sari Mozoo (unAuthentic) Hain..!!

Ek Hadees Hai Jo 15wi Shab Ke Liye Bayan Ki Jati Hai " Rasool Allah SAW ne Farmaya Ke Allah SWT 15wi Shahban Ki Raat Ko Matlah Hokar Mushriq Wa Keena Parwar Ke Siwa Poori Makhlooq Ko Maaf Kar Deta Hai " ( Ibn Ma'aja Silsila Saheeh 1652)
Lekin Is Hadees main Is Raat Ke Liye Makhsoos Ibadat Karne Ki Na Koee Dalee Hai Aur hi Kisi Ibadat Ka Hukum Diya Gaya Hai .. Aur Jahan Tak Logo Ki Maghfirat Ki Baat Hai Tu Yeh Sirf isi Raat Ke Sath Khas Nahin Hai Balke Yeh To Har Din Hota Hai .. Jaisa Ke Saheeh Hadees Se Sabit Hai Ke Allah SWT Har Din Akhri Raat Ke Pehar main Sama Dunia Per Aata Hai AUr Yeh Ailan Karta Hai Ke : Kon Hai Jo Mujhe PUkare Phir Main Uski Dua Ko Qabool Karon, Kaun Hai Jo Mujhse Sawal kare AUr Main Use Doo, Kaun Hai Jo Mujh Se Maghfirat Talab Kare AUr Phir Main uski Maghfirat Kardon " Isse Malum Hua Ke Gunaho Ki Maghfirat Ka Kaam hamesha Hota Rehta HaiYeh Sirf Shab-e-Barat Ke Sath Khas Nahin...!!

Haqeeqat yeh Hai Ke Shab-E-Barat Ka Islam Se Koee Taulluq Nahin Hai Ise Ijad Karne Wale Raafdi Hain ..!!
Ab Koee Yeh Kahe Ke Hum Is Raat Ibadat Hi To karte Hain To Isme Burayee Kya Hai .. Burayee Ibadat Main Har Giz nahin Hai Burayee Hai is Baat Main Ke Jo Baat Rasool SAW ne Nahin Batayee Woh Hum Kaise Kar SakTe Hain ? Ek Insan Agar Asr Ke 4 Farzo Ki jagah 5 Parhne Lage To Kya WOh Sahee HOga? Hargiz Nahin Jabke Woh Ek Rakat Namaz Hi ZYada parh Raha Hai Per Rasool Allah SAW ne 4 Bataye Hain To Hum Usse Zyada Ya kam Nahin Kar Sakte... Isi Tarhan Ibadat Allah SWt ke Yahan WOh Qabool Hogi Jiske Karne Ka Hukum Rasool SAW Ne Diya Hai ... Aur Shab-e-Barat Ki Ibadat Kisi Bhi Sahee Ahdees Se Sabit Nahin.... Zara Sochiye Ke Agar Yeh Itni Fazilat Wali Raat Hoti To KYa Sahaba Kiram Is Raat Ko Ibadat Na Karte? Koee Ek Bhi Wakhiya Sahaba KIram Se Sabit Nahin Ke Un Logo Ne Is Raat Ko Khas Ibadat Ki Ho ... Jo Khas Ibadat Ki Raat Hai WOh To Ramadan Ki Shab-e-Qadr Hai Usme Jitni Chahe Ibadat Karein...!!

Ek Baat Yaad Rakhein Ke Allah SWT Us Ibadat Ko Qabool Karta Hai Jisme Niyat Khalis Allah Ki Raza Ki Ho AUr Tareeqa Khalis Rasool Allah Sallallahu Alaiwasallam Ka Ho ..!!

Ek Baat Aur Ki Jati Hai 15 Tareeq Ko Ke Log Halwa Banate Hain Bant Te Hain Apas Main AUr Bht Sawab Samajhte Hain... Iski Haqeeqat Kya Hai Yeh BHi Dekhlein..!!
Halwa Banane Wale iski Daleel Yeh Dete Hain Ke Ghazwa-e-Ohud Main Rasool SAW ke Dandane Mubarak Shaheed Hue The Takleef Ki Wajah Se Aap SAW khana Khane se Qasir The.. Isliye Rasool SAW Ne Halwa Naush Farmaya Tha Aap SAW ki Is Sunnat Per Amal Karte Hue Is Raat Halwa Khori Ki Jati Hai.. Yeh Woh Daleel Hai Jis Per Halwa Khoro Ki Poori Imarat Qayam hai...!!
Tareeqi Aitbar Se Bhi Ye Daleel Bebuniyad Hai.. Isliye Ke Ghazwa-e-Ohud Shawal 3 Hijri Main paish Aya Tha Na Ke Shahban Ke Mahine Main, yeh Kitni Khilafe Aqal Baat Hai ke Dandane Mubarak Maah Shawal Main Shaheed Hon Aur Halwa Khane Ki Sunnat Maah Shahban Main Ada Ki Jaye.. Woh Bhi Sirf Ek Din ? Aur Agar Sunnat Se Itni Mohabbat Hai To Pehle Dant Shaheed Karwain Phir Halwa Khaein..!!

Yeh Aqeeda Ke Roohe Wapas Aati hain Yeh Quran Kareem Ke Khilaf Aqeeda Hai marne Ke Baad Kisi Ki Rooh Dunia Main Wapas Nahin Aati hai ... Irshad-e-Rabbani Hai " Aur Inke Peeche Ek Parda Hai Us Din Tak Ke Woh Dubara Uthaye Jayein " ( Al-Momenoon 100) Yani ke Allah SWT ne Rooho Ke Dunia Main Ane Ke Raste Per Rok laga Rakhi Hai !!
Rasool Allah SWT Ka Irshad hai " Qayamat Ke Din Sabse Pehle Main Uthunga " ( Saheeh Bukhari 2412 , Saheeh Muslim 2374)
Ruhon Ke Dunia Main Wapas Ane Ka Aqeeda Butt Parasto Ka Aqeeda hai..!!

Yeh Hai is Raat Ki Haqeeqat Jiski Daleel Na Quran Main Hai Na Ahdees main Aur Na Hi Khulfaye Rashe Deen Ke Dour main ..! phir Hum Kyon Ek Aisi Baat Ke Peeche Lage Hue Hain Jo Deen Ka Hissa Nahin ? Alhamdolillah Hamara Deen Kamil Hai Rasool Allah Saw Deen Ki Har Baat Bata Kar Gaye Hain Gar Humne Itna Kar Liya Jitna Hamein Bataya Gaya Hai To Insha Allah Hamara Allah Hamse Razi Ho jayga..!!

Kisi Bhi Bidat Ko Chota Na Samjho Rasool Allah SAW ne Bidat Karne Wale Ko Kaha Hai Ke Woh Hum Main Se nahin ..!!
Farmaye Rasool SAW hai " Jisne Hamare Deen main Koee Nayee CHeez Ijad Ki Jiska Deen Se Koee Taulluq Nahin Hai Tu WOh Mardood Hai " (Saheeh Bukhari 2697)

Ek Aur Hadees Hai " Deen ke Andar Nayee Nayee Cheeze Dakhil Karne Se Baaz Raho Bila shubha Har Nayee Cheez Bidat Hai Aur Har Bidat Gumrahi Hai " (Abu'daud Kitab Al Sunnah 7064)

Allah RabbulaAlameen Tamam Musalmano Ko Huq Baat Qabool Karne Ki Toufeeq Ata Farmaye , Aur Bidat Aur Khurafat Se Mehfooz Rakhe... Aameen Ya RabbulAlameen</div>

[rose pari]

dil; se

kuch kuch baatein jo aap nay khud bayaani kin mujhy sahi nhi lagin,, but main behas nhi karti

mujhy itni knowledge nhi hai ,, phir bhi mujhy kuch baat theek nhi lagi jo aap nay khud khin hain,,

[DiL_SaY]

Rose Pari

Aapko Konsi Baat Sahee Nahin Lagi Plz Mention Kijiye Main Insha Allah Clear Karne Ki Koshish Karta Hoon

Isme Koee Bhehas Ki Baat Nahin Hai Jo Baat Clear Na Ho Woh Kar Lena Chahiye Plz Aap bataien

[rose pari]

bhi deaklhin
mujhy waqi main zayada knowledge nhi hai,,,

but bachpan say sunti aarahi houn

chota mounh bari baat hai

kehny say pehly maazrat,,

pehli baat,,

k yeh bakhshish ki raat hai,, sab apny apny gunah maaf karwaty hain is raat ko,,

doosri baat yeh murdoun ki eid hoti hai q k unhay chutti milti hai saal main ek baar apny apny gharoun main jaany ki,,

maghrib say pehly chaly jaati hain arwah,,, phir maghrib k baad qabroun
pay ghar k aadmi jaaty hain fatiha parhny,, niyaaz hoti hai ,,

yeh sab baatein hain sahi,, aap farma rahy hain k rohin nhi hotin,,

jism zaroor fana hota hai roohein nhi ok
aur qabroun main murday sunty bhi hain jo jo ja k fatiha parhta hai woh sab sunty hain,,,

tab hi kaha gaya hai k qabrustaan k qareeb say bhi guzro to salaam karna chayee

yeh sab kya hai phir

[DiL_SaY]

Sis bura lagne wali bilkul bhi baat nahin hai acha hua aapne yeh sab likha

Mene Quran Ki Ayat likhi Thi jisme hai ke Jo Dunia Chala gaya woh ab Qayamat ko hi uthega usse pehle nahin

jo roohe hoti hain woh is dunia main wapas kabhi nahin aati ... agar koee aisa kehta hai ke roohe is din wapas
aati hain to plz usse kaho ke Quran Ahdees se ref do isliye ke Deen Quran Hadees se milta hai kisi buzurg ya
barhe ki baton se nahin.... zaroori nahin jo hum bachpan se karte arahe hain wohi sahee ho jab deen ki sahee
baat malum ho jaye to apni baat ko chor dena chahiye

pehle mere Ghar main bhi yeh sab hota tha Alhamdolillah jab sahee baat pata chali us din se sab kuch band

aapne kaha bachpan se yeh sab dekhte arahe hain ek baat ka jawab do aap Deen Saudi arab se start hua na to phir yahan ke log yeh sab kyon nahin karte? hamare india pak ke logo ko hi yeh sab batein pata chalti hain? aur logo ko
kyon nahin ? jinki zaban arbi hai aur Quran aur Ahdees bhi arbi main hai unhe kyon in bato ka ilm nahin hai?

Agar Murdo ki Eid hoti to Kya Allah ke Rasool SAW sahaba kiram ko bata kar nahin jate? agar yeh Deen ki baat thi to phir Sahaba kiram ne kyon nahin kiya aisa? hamara Deen mukammal hai Alhamdolillah ab isme koee bhi nayee cheez ki jagah nahin ...!!

Dekho aise to us time Makkah ke mushriq bhi Rasool Allah SAW ko bolte the ke tum hamare baap dada ka deen hamse chorne ko keh rahe ho... hum to woh karenge jo hamare barhe karte arahe hain to ALlah ne Quran main is baat ka jawab diya ke inse kaho tumhare baap dada agar jahil rahe hon tab bhi ?

to phir hum kyon aisa karte hain jab Quran Ahdees ki baat samne ajaye to apne barho ki baat ko samne na karein isliye ke deen Quran aur sahee hadees hai ..!!

Allah SWT Apne Nabi SAW se Quran main farma raha hai ke Aiy nabi tum jis murde ko sunana chaho use nahin suna sakte ho ...!! salam ka aapne likha to salam ka matlab kya hai? aur qabrastan ki dua bhi hai usme itna kaha jata hai ke salamti ho aiy qabr walon tum per tum hamse pehle chale gaye hum Insha Anqareeb tumse akar milenge..!! isme unko sunane wali kya baat hai? ALlah se unke liye salamti ki dua ki jati hai koee unse dua nahin mangte..!!

confuse hone wali baat bilkul bhi nahin hai jitna Rasool SAW bata kar gaye hain utna amal karo Insha ALlah Allah Razi ho jayga ..... Khush Rahein

kuch doubt ho to pooch sakti hain

[Soni_Kurri]

mashallah
dil se ap ne bohot achi thread di hai...
as a islamic studeis student mujhe to alhamdolillah ilm hai au ghar walon ko bhi...
alhamdolillah...baki logon ko batana hmaara farz hai..qail koi ho jata hia n koi nahin...
ap ki sari baten n roze pari ki bih sari baten read kin.

logon ke lie deeni baten man lena itna asan nahin hota...
kiun ke gahr ke bare jin ko deen ka ziada ilm nahin woh unhen dant dapat kar chup kar wa dete hain.
but hamara farz hia ke jo sahi bat hia usse dusron tak pohnochaen aur apne baron ko bhi quran n ahadeeth ka ref de kar qail karen.
ham sab bacha party ko allah toufiq de ke bat ko agay phonchaen aur hamare baron ko bhi ke woh iss ko jan kar iss par amal karne wale ban saken...ameeen
JazakaLLAh dil sey.

[DiL_SaY]

JazzakAllah Khair SOni... Realy Bahot Kushi Huee Yeh Jaankar Ke
Alhamdolillah Aap Sab ke Aqeede Quran Ahdees per hain aur Allah SWT sab ko
Wuran Sunnah Per Jama Karde Ameen

Bilkul Sahee kaha apne ke Barho ko samjhana asan nahin hota hai .. per phir bhi
Quran Hadees ke sahee ref se baat ki jaye to insan samajhta hi hai agar uske dil main
Quran ahdees ki ahmiyat hai to ..!!

Allah SWt sabko Sirate Mustaqeem per chalne wala bana de Aameen

[Soni_Kurri]

ameen summa ameen
shayad dusron ko to qail kar bih saken...par india pak ke rehne wale mashallah hote hain...kabih dukh bih hota hai..deen se douri kitni hia logon main...
allah hidayat de ameeen.

[Lamhe]

JazakAllah boht informative post hai…masahllah se

Dil say ji main bi is baat ko janti hon ke is rat kay liye koi has ibadat nahi hoti liken akser loog Tahajud kay time uth ker nawafil ada kertay hain… Lailatul qader ki raat Khas ibadat ki jati hai aor jo nawaful perhay jatey hain unka muje ilm hai.. aj suba jab main office ayi hon to muje aik mail ayi aor us main khas ayat ko perhnay ka ziker kia giya hai plz main jana chahti hon ke yeh perhi jati hain…

FOR THE SOULS OF THE DEAD:
On this special night pray the following once: Surah Fatiha, Alif Laam Meem upto Muflihoon, Ayatul Kursi, Aamanar Rasoolu to the end, Surah Yaseen, Alha-Kumuttakasur, and then Qul huwallah 11, 7 or 3 times and then lift hands to Allah and ask for the sawab for this to be sent to our Prophet Mohammed (Sallalaho Alaihi Wasallam) all the Prophets, the Sahaba Kirams, Awliyas, Shohadas, the whole Ummah and for the souls of our parents and teachers.

D. THE VARIOUS PRAYERS AND NAMAZ:

1. FOR BASHARAT OF JANNAT: On this special Night our Prophet (Sallalaho Alaihi Wasallam) used to offer nafl Salaat. He said, “Anyone who offers 100 rakats of namaz in this blessed night, Allah Ta’ala will send 100 angels to him of whom 30 angels bring him good news of Paradise. Another 30 will save him from punishment of Hell, another 30 will keep all calamities of the world away from him and the last 10 will protect him from the deception and will of Satan.”

2. FOR FORGIVENESS OF SINS: After Maghrib Namaz pray 2 rakats nafl “Tahiyatul Wudu”. After that pray 8 rakats nafl in 2 salaams of 4 rakats. In each rakat after Alhamdu pray Qulhuwallah 5 times. The person will be cleared of his sins, his duas will be accepted and in addition he will also get great sawaab for it.

3. FOR GUARDING OF IMAAN: After performing Maghrib Namaz, read rakats of nafl. In the first rakats, after surah Fatiha recite Surah Ikhlas times and Surah Falaq once. In the second rakat, after Surah Fatiha, recite Surah Ikhlas 3 times and Surah Naas once. After Salaam, make Dua ask Allah to protect your Imaan.

4. FOR BARAKAAT IN RIZQ: After Maghrib Namaaz, read 2 rakats nafl. After the prayers read Surah Yasin once, then make Dua for increase in Rozi and ask Allah not to make you dependent on anyone.

5. FOR LONG LIFE FILLED WITH PIETY: After Maghrib namaz read 2 rakats of Nafl. Then read Surah Yasin once. Then read Dua Nisf Shaban once. Thereafter, make Dua for long life filled with piety and righteousness.

6. FOR REWARD OF TEN THOUSAND DEEDS: After Maghrib namaz pray 20 rakats of Nafl namaz in such a way that after Surah Fatiha, recite Surah Ikhlas 10 times in every rakat. Allah will reward abundantly and 10,000 good deeds will be recorded in his Book of Deeds.

7. FORGIVENESS OF SINS: On this night, pray 4 rakats nafl namaz in one salaam. In each rakat after Alhamdu recite Qulhuwallah 50 times.A person praying so will be cleared of his sins as a new born baby.

8. FOR PROSPERITY AND FORGIVENESS: Pray 2 rakat namaz, in each rakat after Alhamdu recite Ayatul Kursi once and Qul huwallah 15 times. After the prayer, recite Durood Sharif 100 times. This, Insha Allah will lead to increase in Prosperity, Forgiveness of Sins and Freedom from Gloom and Depression.

[DiL_SaY]

Assalamo Alaikum ...!!

Thanxxxxx Lamhe

Aapne Jo Yeh Share Kiya Hai Aap Inme Dekhein Kisi Bhi Hadees Ka Refrence nahin hai
aur Deen ki baat jab hi mani jaygi jab woh Quran Hadees ke Ref se batayee jaye..!!

Rasool Allah SAW ne aisi kisi bhi ibadato ka nahin bataya Hazrat Ayesha Ki Saheeh Hadees
Hai Ke Rasool Allah SAW Ramzan aur Ghaire Ramzan Kabhi 8 Rakat Nafil se zyada nahin parhte the..!!

Yeh sab jo namaze Is raat ki bayan ki jati hain yeh logo ki banayee huee hain inka Deen se koee taulluq nahin
Allah SWT to farmata hai ke hum dekhenge kon ache Amal karke aata hai yeh kahin nahin farmaya ke kon
dher sare Amal karke aata hai ..!!

jo bhi koee aap ko Deen ki baat bataye to zaroor dekhein ke woh baat Quran hadees se batayee ja rahi
hai ya nahin ..!!

JazzakAllah Khair