zikr-e-shab-e-firaaq se vehshat ussay bhi thi
meri tarha kisi se muhabbat ussay bhi thi
mujh ko bhi shauq tha nae chehron ki deed ka
rasta badal k chlanay ki aadat ussay bhi thi
us raat der tak vo raha mahv-e-guftagu
masruf main bhi kam tha faraagat ussay bhi thi
sunta tha vo bhi sab se puraii kahaaniyan
taza rafaaqaton ki zarurat ussay bhi thi
mujh se bichar k shehar main ghul mil gaya vo shakhs
halaan k shehar bhar se raqabat ussay bhi thi
vo mujh se bhar k zabt ka aadi tha ji gaya
varna har ikk saans qayamat ussay bhi thi
|