Mohsin Naqvi
Ankhein
Bharhkain Mairee Piyaas ko akser Teri Ankhein
..............Sehra mera chehra hay, Sumendar teri Ankhein
Phir kon Bhala Daad-e-Tabassum unhein Day ga
..............Roein Gii bohat mujh say bicharh ker teri Aankhein
Khalii jo hoee Shaam-e-Ghareebaan ki Hathelii
..............Kia Kia na lutati raheen Goher teri Aankhein
Abb tuk mairee tadoon say mitaiy naheen mit`ta
..............bheegee howee ikk Shaam ka Manzar "teri Aankhein"
Bojhal Nazar aatii hein Bazaahar mujhay laiken
..............Khultii hein bohat dil mein uter ker teri Aankhein
Mumkin ho tau ik tazaa ghazal aur bhee keh loon
..............Phir aurh na lein khuwab kii chader, teri Aankhein
Mein Sang-Sifat aik hee restay mein Kharha hoon
..............Shayad mujhay Dekhein gee plutt ker teri Aankhein
Yoon Dekhtay Rehna Ussay Acha Achha naheen MOHSIN
..............woh Kanch ka paiker hay tau pathher teri Aankhein
__________________
Meri Tarha Hai Koi Jo Apni Zindagi,
Tumhari Yaad Ke Naam Intisab Kr De.
|